«Կովկասի բնության հիմնադրամի» ներկայացուցիչ Արման Վերմիշյանը Ֆեյսբուքի իր էջում գրել է․

«Պարոն Վարչապետ, 

Մի առաջարկ ունեմ կապված Ձեր լայվերի ու տնտեսական հեղափոխության մասին:

Այս պահին ֆեյսբուքում Ձեր ռեյտինգը բավականին բարձր է ու դա լավ առիթ է տեղական արտադրանքը գովազդելու համար, ինչն անում եք պարբերաբար, որն իհարկե շատ ողջունելի է:

Բայց կառաջարկեմ մի քիչ կանոնակարգված ձևով, շաբաթը մեկ անգամ, որևէ հայկական ընկերության արտադրանք գովազդեք:

Օրինակ, անցած շաբաթ ջինսերի մասին էր, այս շաբաթ գովազդեք ասենք Noyemi Soap/ Նոյեմի օճառները, որոնք արտադրվում են Գյումրիում: Հաջորդիվ կարող է լինել ասենք Nairian/Նաիրիան-ը, կամ AVA/ ԱՎԱ կոշիկներն ու այդպես շարունակ: 

Բայց կխնդրեմ նաև մինչև գովազդելը համապատասխան մասնագետներն ուսումնասիրեն տվյալ արտադրանքը և իսկապես հավաստիանան, որ որակյալ արտադրանք է, այլապես լինում են դեպքեր, որ տեղականն ուղղակի խայտառակություն է լինում:

Օճառի դեպքում, սա լայն սպառման ապրանք է և օրական հազարներով իրացվող ապրանք է, իսկ մեր շուկայում հազար ու մի տեսակի օճառ կա, ընդ որում շատ խանութներ ուղղակի չեն վերցնում հայկականը: Այս պարագայում պահանջարկը կծնի առաջարկ»: