Տաջիկստանին հաջողվել է հաղթահարել կորոնավիրուսը։ Sputnik-ի տաջիկական ծառայության փոխանցմամբ՝ այս մասին հայտարարել է երկրի նախագահ Էմոմալի Ռահմոնը՝ խորհրդարանին ուղղված իր ուղերձում։

«Կորոնավիրուս Տաջիկստանում այժմ չկա, այն ամբողջությամբ վերացվել է։ Չնայած դրան, մենք չպետք է թուլանանք և մոռանանք անձնական և հասարակական հիգիենայի կանոնների մասին»,- ասել է Ռահմոնը։

 Ըստ Տաջիկստանի Առողջապահության նախարարության հունվարի 26-ի տվյալների՝ համաճարակի ընթացքում կորոնավիրուս է հայտնաբերվել Տաջիկստանի 13.308 քաղաքացու մոտ:

90 հիվանդ մահացել է վարակից: Ապաքինվել է 13․218 պացիենտ: Տաջիկստանում վարակման դեպքեր չեն գրանցվել 2020 թվականի դեկտեմբերի 30-ից։