Ամերիկացի միլիարդատեր Իլոն Մասկը Twitter-ում հրապարակել է Starship նոր տիեզերանավի Raptor կոչվող շարժիչի առաջին կրակային փորձարկման տեսանյութը:

«Starship տիեզերանավի Raptor շարժիչի առաջին կրակային փորձարկումը: Այնքան հպարտ եմ SpaceX-ի թիմի կատարած հրաշալի աշխատանքով»,- սոցկայքում գրել է ընկերության հիմնադիր-ղեկավարը:

Հայտնի է, որ Starship տիեզերանավը նախատեսված է միջմոլորակային թռիչքների իրականացման համար: Բացի այդ, այն կլինի SpaceX-ի կողմից կառուցվող Big Falcon Rocket գերծանր հրթիռակրի երկրորդ աստիճանը:

Հրթիռակիրը նախատեսված է բազմակի օգտագործման համար: Դրա առաջին փորձնական թռիչքները կկայանան 2019 թվականին:

pic.twitter.com/ChEGbjTGKZ

— Elon Musk (@elonmusk) 4 февраля 2019 г.