Շառլ դը Գոլ (1890 -1970թթ.)
Ֆրանսիայի նախագահ

*** 
Տեր դառնալու համար` քաղաքական գործիչը պարտավոր է իրեն ծառա երևակայել:

*** 
Քաղաքականության մեջ երբեմն հարկադրված ես լինում կամ քո երկրին, կամ քո ընտրողներին դավաճանել: Անձամբ ես` նախապատվելի եմ դիտում երկրորդը:

*** 
Քաղաքականությունն այնքան լուրջ գործ է, որ քաղաքական գործիչներին այն վստահելը` ուղղակի հակացուցված է:

*** 
«Բայց»-ով կառավարելն իսկապես անհնար է:

*** 
Նախարարը թերթ կարդալու և նրանից դժգոհելու իրավունք չունի, քանի որ` նա ինքն է պարտավոր թերթ գրել:

*** 
Աստվածաշնչյան տասը պատվիրանները երևի նրա համար են այդքան սեղմ, դյուրին ու հասկանալի, քանի որ գրվել են առանց փորձագետների և խորհրդականների «օժանդակության»:

*** 
- Բարեբախտաբար, սիրելի լրագրողներ, ես կարդում եմ ձեր կողմից հրատարակվող թերթերը` իմանալու համար՝ թե ինչ եմ ես մտածում…

*** 
Միակ բանը, որ հաճույքով Ամերիկայից կբերեի` դա միսիս Քենեդին էր:

***
1965 թ. նախագահական ընտրությունների ժամանակ արտասանված և դը Գոլին վերագրվող կարգախոսը. 
«Կա՛մ ես, կա՛մ քաոսը…»:

***
Ես հարգում եմ միայն ինձ հետ պայքարողներին, բայց դա ամենևին էլ չի նշանակում, թե ես պատրաստվում եմ հանդուրժել նրանց…

***
Ամեն ոք լսում է սոսկ այն` ինչ հասկանում է…

*** 
Ժորժ Պոմպիդուն` Շառլ դը Գոլի մահվանից հետո.
- Ֆրանսիան այրիացավ…

*** 
Երբ ես ցանկանում էի իմանալ, թե ինչ է մտածում Ֆրանսիան` ինքս ինձ էի հարցնում…

*** 
Սովորաբար ես անասելի զայրանում եմ, երբ իրավացի եմ լինում… Չերչիլը ճիշտ հակառակը. զայրանում է, երբ ինքն իրավացի չի լինում: Ստացվում է այնպես, որ մենք շատ հաճախ զայրանում ենք միմյանց վրա…