ՀՀ պաշտպանության նախկին նախարար Սեյրան Օհանյանը Ֆեյսբուքի իր էջում Մարտի 1-ին բանակի ներգրավվածության մասին հանդես է եկել հայտարարությամբ։ Նա մանրամասներ է ներկայացնում 2008թ մարտի մեկին կիրառված 0038 գաղտնի հրամանի վերաբերյալ, նշելով, որ 2008 թ․ մարտիմեկյան իրադարձություններում բանակը հայ ժողովրդի անվտանգության երաշխավորն է եղել։

Սեյրան Օհանյանի խոսքով` 0038 հրամանը ներքին գերատեսչական հրաման է, և այն դնել մարտի 1-ի իրադարձությունների, ողբերգությունների հիմքում ծայրահեղական մոտեցում է և ոչ օբյեկտիվ: Ըստ Օհանյանի, որևէ մեկն իրավունք չունի զորքի զորանոցային վիճակի բերելը մեկնաբանել որպես հակասահմանադրական քայլ։