Event Horizon Telescope (EHT) նախագծի գիտնականները, որոնք աշխարհին են ներկայացրել սև խոռոչի ստվերի՝ պատմության մեջ առաջին լուսանկարը, շահել են հեղինակավոր և գիտական աշխարհում, հիմնարար ֆիզիկայի ոլորտում ամենաթանկ մրցանակը՝ Breakthrough Prize-ը։

Այս մասին ասվաում է մրցանակի կազմակերպիչների կայքում, հաղորդում է ՌԻԱ «Նովոստի»-ն։

Event Horizon Telescope նախագիծը ապրիլին հրապարակել է սև խոռոչի ստվերի առաջին լուսանկարը, որն ստացվել է ռադիոհեռադիտակների ցանցի օգնությամբ։

Դրանք օբյեկտի դիտարկումներն սկսել էին М87 գալակտիկայի կենտրոնում 2017-ի ապրիլին։

Մրցանակը դրամական արտահայտությամբ կազմում է 3 մլն դոլար, այն հավասար կբաշխվի նախագծի 347 մասնակիցների միջև։