Իտալացի նկարիչ Ռաֆայելի Վատիկանի Առաքելական պալատի որմնանկարի վրա հայտնաբերել են ուկրաինացի զբոսաշրջիկների մակագրությունները:

Այցելուն նկատել է «Լենա Թամարա Վինիցա» գրությունը։ Կից տեսանյութը տեղադրել է Italy for me («Իտալիան ինձ համար») Facebook-յան խմբում:

Գրության ամսաթիվն անհայտ է: Որմնանկարի վրա այլ գրություններ էլ կան, սակայն այս մեկն ամենաթարմն է երևում: 

Որմնանկարն արել է Ռաֆայելն իր աշակերտների հետ: Առաքելական պալատը Հռոմի Պապի պաշտոնական նստավայրն է: