Եթե  Ձեզ հաջողվում է ձեր օրը սկսել առանց կոֆեինի անհրաժեշտ չափաբաժնի և կենսախինդ լինել՝ անտեսելով  Ձեզ պաշարած ցավն ու տկարությունը և զերծ մնալ տրտունջներից ու մարդկանց  Ձեր խնդիրներով ծանրաբեռնելու գայթակղությունից,

եթե Դուք կարող եք ամեն օր միևնույն ուտելիքն ուտել ու շնորհակալ լինել դրա համար,

եթե Դուք կարող եք ըմբռնումով մոտենալ  սիրած մարդուն՝ ով Ձեզնով հետաքրքրվելու  ժամանակ իսկ չունի և չլսելու տալ սիրած մարդու կողմից՝ ոչ Ձեր մեղքով արված սխալին հաջորդած ու Ձեզ ուղղված մեղադրանքը և համբերությամբ լսել Ձեզ ուղղված քննադատությունը,

եթե Դուք կարող եք Ձեր աղքատ բարեկամին նույն կերպ վերաբերվել, ինչպես հարուստ բարեկամին,

եթե Դուք կարող եք յոլա գնալ առանց ստի ու խաբեության,

եթե Դուք կարող եք սթրեսը հաղթահարել առանց դեղորայքի և թուլանալ առանց կոնծելու և քնել առանց քնաբերների,

եթե Դուք անկեղծորեն  շարունակում եք պնդել, թե վերապահումներ չունեք մարդկանց մաշկի գույնի, կրոնական համոզմունքների, սեռական կամ քաղաքական կողմնորոշման դեմ, նշանակում է Դուք հասել եք Ձեր շան զարգացման աստիճանին…