ՀՀ ազգային ժողովի տնտեսական հարցերի մշտական հանձնաժողովը բացասական եզրակացություն տվեց «Բարգավաճ Հայաստան» խմբակցության մի քանի պատգամավորների կողմից ներկայացված օրենքի նախագծին, որով առաջարկվում է ավելացնել օտարվող սեփականության դիմաց սեփականատիրոջը վճարվող համարժեք փոխհատուցման չափը:

«Արմենպրես»–ի հաղորդմամբ՝ «Հանրության գերակա շահերի ապահովման նպատակով սեփականության օտարման մասին» Հայաստանի Հանրապետության օրենքում փոփոխություն կատարելու մասին օրենքի նախագիծը հանձնաժողովի նիստում ներկայացրեց խմբակցության պատգամավոր Վահե Էնֆիաջյանը: