Դուբայում ներկայացված 5000 ձիաուժ հզորությամբ Devel Sixteen հիպերքարի ապագա գնորդների ցանկն արդեն լրացվել է մեքենայի թողարկումից երկու տարի առաջ:

Ինչպես գրում է Motor.ru-ն, Devel Motors ընկերության ղեկավարությունը մեծ ուշադրությամբ է ընտրում ապագա գնորդներին, որոնց մոտ բավական գումարի առկայությունը դեռևս չի երաշխավորում մեքենայի ձեռքբերումը: Իսկ մեքենայի գինը մեկնարկում է 1,6 մլն դոլարից:

Ընկերության նախագահի խոսքով՝ Էմիրություններում, որտեղ գտնվում է ապրանքանիշի կենտրոնակայանը, շատ դժվար է տարբերվել, քանի որ երկրում հարյուրավոր սուպերքարեր և հիպերքարեր կան: Սակայն իրենց հաջողվել է 12,3 լիտր ծավալային V16 շարժիչով մեքենա ստեղծել սովորական ճանապարհների համար:  

Շարժիչի հզորությունը կազմում է 5007 ձիաուժ, որի շնորհիվ մեքենան 100 կմ/ժամ արագությունը զարգացնում է 1,8 վայրկյանում: Առավելագույն արագությունը կազմում է 515 կմ/ժամ: