Երևանի մամուլի ակումբի նախագահ Բորիս Նավասարդյանը Ֆեյսբուքի իր էջում գրում է․

«Մի քանի ակնհայտ ճշմարտություններ, որոնք, ըստ տեղի ունեցող բանավեճերի և մեկնաբանությունների, դեռ (կամ արդեն) չեն ընկալվում մեր հանրության կողմից.

1. Ցանկացած անձ, անկախ զբաղմունքից եւ տվյալ հարցում կոմպետենտությունից իրավունք ունի դատողություններ անել ցանկացած ոլորտի մասին, այդ թվում քաղաքականությունից;

2. Եթե լսարանին հետաքրքրում են այդ դատողությունները, ապա այդ լսարանը սպասարկող լրատվամիջոցը կարող է դրանք տարածել: Սահմանափակումների ենթարկվում է միայն օրենքով արգելված բովանդակությունը: Հակառակ մոտեցումը` գրաքննություն է;

3. Մասնավոր, համապատասխամ թեմայի հետ անմիջական առնչություն չունեցող անձի սուր, սուբյեկտիվ, կողմնակալ, նույնիսկ սադրիչ դատողությունները հասուն հասարակությունում չպետք է դառնան հալածանքների առիթ;

4. Մինչեւ 1988֊ը Հայաստանում հայերը ադրբեջանական մուղամ ավելի շատ էին լսում, քան դրանից հետո»։