«Ազգային անվտանգություն կուսակցության նախագահ Գառնիկ Իսագուլյանը Ֆեյսբուքի իր էջում գրել է․

««Ժամանակ» թերթը գրում է.

Ազգային անվտանգություն կուսակցության նախագահ Գառնիկ Իսագուլյանը բողոքում է, որ իրեն կանչել են Ազգային անվտանգության ծառայություն:

Ըստ Իսագուլյանի՝ իրեն մեղադրում են ինչ-որ տնտեսական հանցագործությունների մեջ, որոնց հետ ինքը ընդհանրապես կապ չունի: Իսագուլյանը կարծում է, որ ինքը քաղաքական հետապնդման զոհ է, և մտադիր է առաջիկայում հանդես գալ համապատասխան հայտարարությամբ:

Շատ ցավում եմ, որ որոշ լրատվամիջոցներ, այս դեպքում՝ «Ժամանակ» օրաթերթը, չխոսելով ինձ հետ, կեղծ տեղեկատվություն է տարածում իր թերթում վերոնշյալի մասին։ 

Տեղեկացնում եմ, որ թերթի հրապարակումը իրականության հետ որևէ աղերս չունի և խորհուրդ կտամ նաև այլ լրատվամիջոցներին, սենսացիոն լուրեր հրապարակելուց առաջ դրանց իսկությունը ճշտել այն անձանց հետ, ում վերաբերվում է այդ տեղեկատվությունը։

Ես միշտ բաց եմ եղել մամուլի համար, հիմա էլ որևէ խնդիր չունեմ, իսկ ինչ վերաբերում է իմ և ԱԱԾ-ի փոխհարաբերություններին, ապա խնդրում եմ որևէ մեկը չանհանգստանա։ Իմ վերաբերմունքը այդ ծառայության ու նրա աշխատակիցների հանդեպ գերդրական է՝ անկախ որևէ հանգամանքից։

Հարգանքներով ՝ «Ազգային Անվտանգություն» կուսակցության նախագահ Գառնիկ Իսագուլյան

Հ․Գ Պահանջում եմ «Ժամանակ» օրաթերթից հերքում տպագրել այդ կեղծ հրապարակման կապակցությամբ»։