Facebook սոցիալական ցանցը դատական հայց Է ներկայացրել Իսրայելի NSO Group ընկերության դեմ՝ նրան մեղադրելով լրտեսման համար WhatsApp հավելվածն օգտագործելու մեջ: Այդ մասին են վկայում այն փաստաթղթերը, որոնք հոկտեմբերի 29-ին ստացվել են Կալիֆոռնիայի նահանգի Հյուսիսային օկրուգի դաշնային դատարանի Էլեկտրոնային պահոցում:

Հայցում ապացուցվում Է, որ NSO Group-ն ընթացիկ տարվա ապրիլից մինչեւ մայիս «ԱՄՆ-ում եւ այլ երկրներում WhatsApp-ի սերվերներն օգտագործել Է 1400 շարժական հեռախոսների եւ այլ սարքերի վնասաբեր ծրագրային ապահովում առաքելու համար»: Այդ ծրագրային ապահովումն, ինչպես ընդգծում են հայցվորները, նախատեսված Է «WhatsApp-ի որոշակի օգտատերերի լրտեսման», այդ թվում՝ նրանց հաղորդագրություններ մուտքի, զանգերի եւ գտնվելու վայրի վերաբերյալ տեղեկատվություն ստանալու համար: