Tesla ընկերության հիմնադիր Իլոն Մասկը հայտարարել է, որ ընկերությունը աշխատում է Dojo գերհամակարգիչի վրա, որը կօգտագործվի իր ինքնաշարժը վերապատրաստելու և կատարելագործելու համար, հայտնում է HighTech+-ը:

Ըստ Tesla-ի գլխավոր տնօրենի, մեքենայի հզորությունը պետք է գերազանցի 1 էքզաֆլոփսը (exaFLOPS): Սա նշանակում է, որ ընկերությունը դե ֆակտո մասնակցում է ամենահզոր գերհամակարգիչը ստեղծելու մրցավազքին:

Dojo-ն ճապոներենից թարգմանաբար նշանակում է «ճանապարհի վայր», եւ այդ տերմինը հաճախ է օգտագործվում նշելու համար այն վայրը, որտեղ կարելի է զբաղվել մեդիտացիայով կամ մարտարվեստով:

Ըստ գործարարի՝ Dojo-ն տվյալներ կստանա Tesla-ի էլեկտրամոբիլներից տեսախցիկներից եւ իր ամբողջ հզորությունը կօգտագործի այդ տվյալները մշակելու եւ ինքնաուսուցման համար:

Մասկն ընդգծել է, որ դա կլինի աշխարհում առաջին հատուկ նշանակության գերհամակարգիչը՝ համակարգչային տեսողության հիման վրա արհեստական բանականության պատրաստման համար: Այն հատուկ նախագծված կլինի այս առաջադրանքի համար, ուստի քիչ հավանական է, որ կիրառվի այլ ոլորտներում, օրինակ` պաշտպանական նախագծերում։