Օրեր առաջ ԿԳՄՍ նախարար Արայիկ Հարությունյանի հրամանով ՀՊՏՀ ռեկտորի պաշտոնակատար է նշանակվել ՀՊՏՀ-ի ուսումնական աշխատանքների գծով պրոռեկտոր, տնտեսագիտության դոկտոր, պրոֆեսոր Դիանա Գալոյանը:

Ներկայացնում ենք հատված  Tert.am-իհարցազրյուցից  ՀՊՏՀ ռեկտորի պաշտոնակատար Դիանա Գալոյանի հետ:

- Տիկին Գալոյան, Զոյա Թադևոսյանը և Գրիշա Թամրազյանը որքանո՞վ կապ ունեն Ձեր նշանակման հետ:

- Զոյա Թադևոսյանն իմ մայրն է, դա անհերքելի փաստ է: Բայց ես չեմ պատկերացնում, թե Զոյա Թադևոսյանն այսօրվա իշխանությունում՝ նախարարությունում կամ որևէ այլ օղակներում ինչ ազդեցության լծակներ պետք է ունենար իմ նշանակմանը նպաստելու համար:

- Զոյա Թադևոսյանը և վարչապետի մամուլի խոսնակ Վլադիմիր Կարապետյանը ՀԱԿ վարչության անդամ են:

- Դա որևէ կապ չունի: Երբևէ իմ մայրը իմ կարիերայի, գիտական գործունեության կամ այլ տիպի հարցերում իր անձնական ազդեցությունները չի օգտագործել, և ես թույլ էլ չեմ տա, որ նման բան լինի:

- Դուք ՀՊՏՀ ռեկտորի ընտրություններին մասնակցելո՞ւ եք, թե՞ ոչ:

- Դա կախված է նրանից, թե որքանով ես կհաջողեմ ռեկտորի պաշտոնակատարի գործում: Այս պահին տնտեսագիտական համալսարանում տարբեր բարեփոխումներ են ընթանում և կախված է, թե որքանով ես կհաջողեմ բոլոր ոլորտներում: Եթե զգամ, որ չեմ հաջողել, չեմ մասնակցի ռեկտորի ընտրություններին, եթե զգամ, որ հաջողում եմ՝ կմասնակցեմ:

Մանրամնասները՝ սկզբնաղբյուրում։